آنه حكَي لوصحت مجنونك
للشاعر الفقيد سيد ناظم الهاشمي
آنه حگي لوصحت مجنونك
لنّه كلشي ابلا طعم من دونك
* * *
انته بسمك فتحت كل الورود
* * *
انته بسمك فتحت كل الورود
وانته لجلك منبسط كل الوجود
وانته ذجر اسمك شفه وجنة خلود
وانته ذجر اسمك شفه وجنة خلود
وطيبه بگلوب الذي يحـبونك
* * *
ابدمك انته انكتب كل معنه صحيح
* * *
ابدمك انته انكتب كل معنه صحيح
ياحسين الي يعرفك مايطيح
كافي بس يذكرك وبسمك يصيح
كافي بس يذكرك وبسمك يصيح
ايزيح شدات الذي يندبونك
* * *
لوله انته بصبحي ما الگه ضوه
* * *
لوله انته بصبحي ما الگه ضوه
وغير اسمك ما الي الجرحي دوه
ولا نفس عندي ولا اشتم الهوه
ولا نفس عندي ولا اشتم الهوه
بلايه نظرة عطف من اعيونك
* * *
اشتهيك انته واظل بيك اشتهي
* * *
اشتهيك انته واظل بيك اشتهي
ولا اريد ابغير حبك التهي
انته عشگك عشگ لا ما ينتهي
انته عشگك عشگ لا ما ينتهي
وانته قانون الرحم قانونك
* * *
ارد اعوفن كلشي لجلك وارد اتوب
* * *
ارد اعوفن كلشي لجلك وارد اتوب
من هلي من دنيتي من الذنوب
ريت اصيرن شمعه وبحبك اذوب
ريت اصيرن شمعه وبحبك اذوب
وريتني من الذي يخدمونك
* * *
ودي بيه بيه تمر ولو مره ابحلم
* * *
ودي بيه بيه تمر ولو مره ابحلم
حته اشوفنك والن بيك اشم
ليش وكتك ما سمحلك تبتسم
ليش وكتك ما سمحلك تبتسم
گلي عالذبحوك شيطلبونك
* * *
يظل عشگك سيدي اعذب عشگ
* * *
يظل عشگك سيدي اعذب عشگ
ياظمير وذات يادرب الصدگ
ودي اطيح ابحر شوگك واختنگ
ودي اطيح ابحر شوگك واختنگ
ودي اموتن موتت المفتونك
یا حبیبی یا حسین نور دربی یا حسین
ليست هناك تعليقات:
إرسال تعليق
مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ