قصيدة نفحات فاطميه
اليوم علبحرين مرّت فاطمه... كربله عادت يحمّاي الحِمه
1
امس حركَو خيمه في طف كربله .. اليوم بالبحرين نفس المعظله
لكن انصار العقيده الباسله .. ما تهمهم كل سيوف الصارمه
اليوم علبحرين مرّت فاطمه
2
اليوم عاد ايزيد بثياب الامير ... عنده جم مأجور ضن راسه جبير
ما عرف للنار مثواه الاخير ... و دود ياكل هلخدود الناعمه
اليوم علبحرين مرت فاطمه
3
اليوم بالبحرين دم طاهر يسيل ... و الشعب مابين مجروح و قتيل
اليوم يوم الما حصل مثله مثيل ... اليوم عادت كربله بثوب الدمه
اليوم علبحرين مرت فاطمه
4
اليوم صرخات استغاثات النساء ... شكَت الافاق وصلت للسماء
اليوم عادت للمشاعر كربلاء ... رد يزيد و كل طغمته الحاكمه
اليوم علبحرين مرّت فاطمه
5
اختبار اليوم اسمع يالتريد ... ما نريد الكوفه ترجع من جديد
ساند البحرين قدملهه الوريد ... سجل اسمك بالصحيفه الدائمه
اليوم علبحرين مرّت فاطمه
6
فاطمه مرّت عليهم بالدموع .. مثل يوم البيه رضّو للضلوع
امس خيل اليوم دبابه و دروع ... تسحكَـ الشيعه بلا اي مرحمه
اليوم علبحرين مرَّت فاطمه
من كلمات الشاعر المبدع
السيد زكي الياسري
ليست هناك تعليقات:
إرسال تعليق
مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ