السلام عليكم ورحمة الله وبركاته
بي رجفة الفرات
قصيدة شعرية للشاعر الأديب
خضير الرميثي
بي رجفة الفرات
بي رجفة الفرات وما هدء روعة
لان عطـّش حسين وعيلتة وربعة
بس يبچي الفرات ويندب علة حسين
وضاع البي وفة وينشــّف الدمعة
ولون بيدة الفرات اليوم
چا نشـّف بماية وكل فرع نبعة
يحس بينة الفرات وبينة دوم يعيش
ومن نذكر حسين الماي منجرعة
عجيبة شلون يا نهر الفرات تشح علة حسين
وأهل بيتة عطاشا أمددة وصرعة
وعجيبة شلون گلي من أجة العباس
مد چفـّة علة مايك ... هذا موطبعة
طبع الناس تمشي عليه تمد أچفوف
ما لحظة بخل والكرم بي سلعة
بس شبيك گلي وگلي گلي شبيك
شحـّيت علة من المرتضى فرعة
شلون أتخاف وأنتة الماي ما تنصاب
وظليت على خوفك بيك الف خرعة
بس هيـّة الشجاعة تلوگ عالزينين
ومعروفة الشجاعة للبطل صنعة
يا نهر الفرات الخوف والله يخاف
لو درب الحسين بكل وكت درعة
وشوف أكبر مثل عبّاس أنطة الراس
والزندين والچفّين وي صبعة
خضير الرميثي
 |
يا أبو الفضل العباس
|
ليست هناك تعليقات:
إرسال تعليق
مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ